Қирғизистан парламенти тәкәбайевниң истипасини рәт қилди

2006-02-20
Елхәт
Пикир
Share
Принт

Қирғизистан парламенти дүшәнбә күни биләт ташлап, интайин аз үстүнлүк билән парламент рәиси тәкәбайевниң вәзиписидин истипа бериш илтимасини қобул қилмиди. Тәкәбайев, бу айниң башлири қирғизистан парламентида президент қурманбәг бақийев билән талаш тартиш қилип, қирғизистан президентини " боғулуп өлүвал " дәп әйиблигәндин кейин, тәрәпләрниң қаттиқ тәнқидигә учриған иди.

Дүшәнбә күнки биләт ташлашта парламенттики 75 әзаниң 34 нәпири тәкәбайевниң истипасини қобул қилди, 24 нәпири қарши турди. Буниң билән тәкәбайевниң истипасини қоллап биләт ташлиғанлар көп санлиқни игилигән болсиму, әмма қирғизистан асасий қануни бойичә һәр қандақ қарар 75 нәпәр парламент әзасиниң аз дегәндә 38 нәпири қоллап биләт ташлиғандила андин мақулланған болиду.

Көзәткүчиләрниң әскәртишичә, биләт ташлаш нәтиҗиси парламентниң бир тәрәптин тәкәбайевни қоллиғанлиқини көрсәтсә, йәнә бир тәрәптин уни тәнқид қилиш бишаритини ипадиләйдикән. Омурбәг тәкәбайев, президент қурманбәг бақийевни " парламент әзалириниң тәнқиди алдида президент әркәк болса өзини есивалған болатти " дәп әйиблигәндин кейин, 10 - феврал күни вәзиписидин истипа бәргән.

Тәкәбайев, дүшәнбә күни биләт ташлаш алдида, " һазирқи һөкүмәт билән болған ихтилаплар сәвәбидин истипа бәрдим," деди. Бирләшмә ахбарат агентлиқиниң әскәртишичә, бақийевниң ишханиси парламентниң қарариға аваз беришни рәт қилған. (Әркин)

Пикирләр (0)
Share
Толуқ бәт