Qirghizistan parlaménti tekebayéwning istipasini ret qildi

2006-02-20
Élxet
Pikir
Share
Print

Qirghizistan parlaménti düshenbe küni bilet tashlap, intayin az üstünlük bilen parlamént re'isi tekebayéwning wezipisidin istipa bérish iltimasini qobul qilmidi. Tekebayéw, bu ayning bashliri qirghizistan parlaméntida prézidént qurmanbeg baqiyéw bilen talash tartish qilip, qirghizistan prézidéntini " boghulup ölüwal " dep eyibligendin kéyin, tereplerning qattiq tenqidige uchrighan idi.

Düshenbe künki bilet tashlashta parlaménttiki 75 ezaning 34 nepiri tekebayéwning istipasini qobul qildi, 24 nepiri qarshi turdi. Buning bilen tekebayéwning istipasini qollap bilet tashlighanlar köp sanliqni igiligen bolsimu, emma qirghizistan asasiy qanuni boyiche her qandaq qarar 75 neper parlamént ezasining az dégende 38 nepiri qollap bilet tashlighandila andin maqullan'ghan bolidu.

Közetküchilerning eskertishiche, bilet tashlash netijisi parlaméntning bir tereptin tekebayéwni qollighanliqini körsetse, yene bir tereptin uni tenqid qilish bisharitini ipadileydiken. Omurbeg tekebayéw, prézidént qurmanbeg baqiyéwni " parlamént ezalirining tenqidi aldida prézidént erkek bolsa özini ésiwalghan bolatti " dep eyibligendin kéyin, 10 - féwral küni wezipisidin istipa bergen.

Tekebayéw, düshenbe küni bilet tashlash aldida, " hazirqi hökümet bilen bolghan ixtilaplar sewebidin istipa berdim," dédi. Birleshme axbarat agéntliqining eskertishiche, baqiyéwning ishxanisi parlaméntning qararigha awaz bérishni ret qilghan. (Erkin)

Pikirler (0)
Share
Toluq bet