Qirghizistan kommunistliri miloshéwichqa choqunidu

2006-03-19
Élxet
Pikir
Share
Print

Ottura asiyadiki perghane agéntliqining uchuridin qarighanda, ötken hepte ga'adiki xelq'ara urush jinayetchiliri sotining qamaqxanisida sabiq yugoslawiye prézidénti miloshéwich tuyuqsiz ölgendin kéyin, 17-mart küni özini qirghizistan kommunistlar partiyisining re'isi dep atiwalghan klara ajibekowa isimlik bir qirghiz ayalning bashlamchiliqida bir qanche on adem qirghizistan parlamént binasi aldida naraziliq bildürüsh namayishi ötküzüp, ga'adiki xelq'ara urush jinayetchiliri sotini miloshéwichning ölümi bilen eyibligen.

Ular miloshéwichning 250 mingdin artuq ademning ölüshige seweb bolghan étnik qirghinchiliq keltürüp chiqarghan, kosowaning musteqilliqi üchün küresh qilghan musulman albanlarni qirghin qilghanliqi üchün sotqa tartilghan sérb milletchisi ikenlikini neziridin qaldurup, "miloshéwich sadiq kommunist" dep maxtap, uninggha hörmet bildüridiken.

Xewerdin melum bolushiche, qirghizistan kommunistliri qirghizistan jumhuriyitini rusiye we bélorusiye bilen ittipaqdash bolushqa dewet qilidiken. Melumatlargha qarighanda, rusiye we ottura asiya jumhuriyetliride kishiler arisida kommunistlardin seskinish keypiyati küchiyiwatsimu, yenila kommunistlar partiyisi öz pa'aliyetlirini dawamlashturmaqta. Qirghizistandiki köp partiyilik tüzüm, kommunistlarning pa'aliyet élip bérishigha purset yaritip bergen. ( Ümidwar)

Pikirler (0)
Share
Toluq bet