Қирғизистанда туңганлар билән қирғизлар арисида тоқунуш йүз бәрди

2006-02-06
Елхәт
Пикир
Share
Принт

Қирғизистан пайтәхти бешкәк әтрапидики бир йезида йәкшәнбә күни қирғизлар билән туңганлар арисида миллий тоқунуш йүз берип нурғун адәм яриланди. Бирләшмә ахбарат агентлиқиниң қирғизистан сақчи даирилиридин нәқил кәлтүрүшичә, тоқунушқа икки қирғиз яшниң туңганлар тәрипидин таяқ йейиши сәвәб болған.

Бешкәк даирилириниң мәлуматиға қариғанда қирғизистан бойичә туңганларниң нопуси 70 миң әтрапида болуп, уларниң көпчилики 1976 - йиллири яқупбәгниң қәшқәрийә дөлити ағдурулғандин кейин манҗуларниң өч елишидин қечип қирғизистанға қечип барған. Уларниң йәнә бир қисими 1880 - йиллири или таранчи султанлиқидин қачқан туңганлар иди.

Йәкшәнбә күнки тоқунушта нурғун адәм яриланған. Бирақ қирғизистан ички ишлар министирлиқи баянатчиси айидә бақированиң әскәртишичә, яридарлар давалинишни рәт қилғанлиқтин зади қанчилик кишиниң яриланғанлиқини игилигили болмиған. Шималий қирғизистанниң ишқира йезисидики қирғизлар дүшәнбә күни намайиш өткүзүп, бешкәк даирилиридин бу йәрдики туңганларни йөткәп кетишни тәләп қилди. Айидә бақирова, тоқунушқа қатнашқан адәмләрниң санини елан қилмиди. Әмма қирғизистан мәтбуатлири бу санниң 300 әтрапида икәнликини хәвәр қилған. Сақчилар бешкәкниң 70 километир шәрқиғә тоғра келидиған вәқә йүз бәргән районда аммиви тәртипни әслигә кәлтүрүшкә тиришмақта.

Қирғизистанда 1990 - йиллири йүз бәргән өзбекләр билән қирғизлар арисидики миллий тоқунуш, зор көләмдики өлүм - йитим вәқәлирини кәлтүрүп чиқарған иди. (Әркин)

Пикирләр (0)
Share
Толуқ бәт