Хитайниң қирғизистандики тәсири кеңәймәктә

1‏ - Авғуст күни "асия вақти" гезитидә елан қилинған бир мақалидә, хитай һөкүмитиниң оттура асиядики сиясий вә иқтсадий нопузини кеңәйтиш үчүн җиддий тиришчанлиқ көрситиватқанлиқи тәкитләнгән.
Мухбиримиз өмәр қанат хәвири
2008-08-02
Елхәт
Пикир
Share
Принт

 Даниял алән тәрипидин елан қилинған мақалидә көрситилишичә, хитай һөкүмити болупму қирғизистандики сиясий вә иқтсадий күчини күнсери кеңәймәктә икән.

Хитай һөкүмитиниң қирғизистан билән болған иқтсадий мунасивәтлирини наһайити тез тәрәққий қилдурғанлиқини тәкитлигән даниял алән мақалисини мундақ давамлаштуриду. " Қирғизистанға хитай таварлириниң кириши билән бирликтә хитай пуқралириму еқип киришкә башлиған болуп, рәсмий истатистикиларға қариғанда, өткән 15 йил ичидә қирғизистанға орунлашқан хитайларниң сани 100 миң кишидин ашқан".

Даниял аләнниң мақалисида билдүрүшичә, қирғизистанға орунлашқан хитайларниң көпинчиси қирғизлар билән ойлиниш арқилиқ аллиқачан қирғизистан пуқралиқиға өтүп, ой вә йәр игиси болуп болған. Хитай һөкүмити қирғизистандики иқтисадий күчидин пайдилинип нөвәттә, хитай пули йүәнни қирғизистандиму өтидиған бир пулға айландурушқа тиришиватқан болуп, даниял аләнниң ейтишичә, әгәр хитай һөкүмити бу тәшәббусида ғәлибә қилса, бу һәм хитай пулиниң һәмдә хитайларниң қирғизистанға еқип киришини техиму тезлитиветидикән.

Хитайниң қирғизистанда күнсери күчийиватқан иқтисадий вә сиясий нопузиниң һәм москва һәм вашингтонни әнсизликкә селиватқанлиқини тәкитлигән данял алән, шуниң үчүн русийиниң бәзи тәдбирләр елишқа башлиғанлиқини билдүрмәктә. Униң ейтишичә, русийиниң сабиқ президенти вә һазирқи баш министири виладимийр путин, йеқинда қирғизистанға 2 милярд доллар мәбләғ салидиғанлиқини вә русийә дөләтлик енергийә ширкити газ промниң қирғизистанда йеңи нефит вә тәбиий газ записи издәш үчүн 300 милйон доллар мәбләғ аҗратқанлиқини билдүргән.
Пикирләр (0)
Share
Толуқ бәт