Xitay, türkmenistan bilen teb'iy gaz kélishimi imzalidi

Xitay dölet re'isi xujintaw ning türkmenistan ziyariti jeryanida, xitay bilen türkmenistan otturisida yéngi bir tebi'y gaz kélishimi imzalan'ghan bolup, mezkur kélishim, türkmenistanning xitaygha éksport qilishini pilanlighan yilliq teb'iy gaz miqdarini 40 milyard métir köpke chiqiridiken.
Muxbirimiz ömer qanat xewiri
2008-08-30
Élxet
Pikir
Share
Print

 Türkmenistanning xitaygha qaratqan tebi'y gaz éksporti 2009 yilining axirliri yeni türkmenistandin Uyghur élige uzarghan teb'iy gaz turuba yoli qurulushining tamamlinishi bilen bashlaydighan bolup, bu tebi'y gaz turuba yoli özbékistan we qazaqistan arqiliq Uyghur élige tutishidiken.

Xitay dölet re'isi xu jintaw, türkmenistanning paytexti ashiq'abad shehiride ötküzülgen murasimda qilghan sözide, tebi'y gaz turuba yoli qurulushini tézlitish üchün barliq tirishchanliqini körsitidighanliqini tekitligen.

Rusiye we gherb döletliri, türkmenistanning tebi'y gazini dunya bazirigha chiqirish üchün xitay bilen riqabetlishiwatqan bolup, ötken yili rusiye, türkmenistan we qazaqistan kespi déngizida bir teb'iy gaz turuba yoli yasash toghrisida kélishim imzalighan idi. Shuningdek amérika we yawrupa ittipaqi türkmenistanni teb'iy gazini ezerbeyjan we türkiye arqiliq gherb döletlirige éksport qilidighan bir turuba yoli yasash mesilside qayil qilish üchün jiddiy pa'aliyet élip barmaqta.


Toluq bet