Dunya bankisi qirghizistan'gha yardem berdi

2005-12-18
Élxet
Pikir
Share
Print

Qirghizistan döletlik "qabar" agéntliqining uchuridin qarighanda dunya bankisi qirghizistanning saqliqni saqlash we ijtima'iy kapalet ishlirini yaxshilash pilani üchün 15 milyon amérika dolliri béridighanliqini élan qilghan.

Mezkur yardem döletning saqliqni saqlash we ijtima'iy parawanliq ishlirini tereqqi qildurush üchün ish élip bériwatqan döletlik " manas telimi" dep atalghan programmigha bérilgen bolup, amérika qoshma shitatlirimu buning üchün 13 milyon dollar ajritishni qarar qilghan.

"Qabar" agéntliqining ashkarilishiche, qirghizistanning démokratik inqilabidin kéyin, hökümetning xelq turmushini yaxshilash, ijtimayi parawanliq we saqliqni saqlash sahesini tereqqi qildurush teshebbusi xelq'ara jemiyetning diqqitige sazawer bolghan. Shu sewebtin yene en'giliye, gérmaniye, shiwétsiye qatarliq döletlermu yardem körsitish ishlirini bashlighan.

Qirghizistanning dölet iqtisadiy küchi ajiz bolghanliqtin özining mezkur tereqqiyat pilani üchün aran ikki milyon dollar ajritishqa muweppeq bolghan bolup, asasiy yardem chet'ellerdin kélidiken. Qirghizistan öktichilirining bildürüshiche, esqer aqayéw dewride bundaq yardemler dölettiki parixorluq tüpeylidin toxtitilghan bolup, mana emdi qaytidin bashlan'ghan. (Ümidwar)

Pikirler (0)
Share
Toluq bet