ئىسرائىلىيە 199 نەپەر پەلەستىنلىك مەھبۇسنى دۈشەنبە كۈنى قويۇپ بېرىدۇ

ئىسرائىلىيە دائىرىلىرى دۈشەنبە كۈنىدىن تارتىپ، 199 نەپەر پەلەستىنلىك مەھبۇسنى قويۇپ بېرىدىغانلىقىنى ئېلان قىلغان بولۇپ، مەھبۇسلارنىڭ تىزىملىكىدىكى ئىككى كىشى ئۆزگىچە ئىكەن، بۇلار فاتاھ پارتىيىسىنىڭ ئەزاسى مۇھەممەد ئەبۇ ئالى بىلەن سەيىد ئەر ئاتىبادۇر.
مۇخبىرىمىز ئۈمىدۋار خەۋىرى
2008-08-24
ئېلخەت
پىكىر
Share
پرىنت

 بۇ ئىككى كىشىگە، ئىسرائىلىيىكلەرگە ھۇجۇم قىلىپ، ئادەم ئۆلۈشىنى كەلتۈرۈپ چىقارغان دېگەندەك جىنايەتلەرنى ئارتىلىپ، مۇددەتسىز قاماق جازاسىغا ھۆكۈم قىلىنغان ئىكەن.

پەلەستىن ھۆكۈمىتىنىڭ رەئىسى ماخمۇد ئابباس ئىسرائىلىيىنىڭ بۇ قەدىمىگە رازى بولغانلىقىنى بىلدۈرگەن بولۇپ، چۈنكى ئىسرائىلىيە رەھبەرلىرى بۇ قارارنى بۇ ئاينىڭ بېشىدا ماخمۇد ئابباس بىلەن ئۆتكۈزۈلگەن سۆھبەت جەريانىدا ئالغان ھەمدە ۋەدە بەرگەن ئىكەن.

كۆزەتكۈچىلەر ئىسرائىلىيىنىڭ بۇ قەدىمىنىڭ پەلەستىن بىلەن ئىسرائىلىيە ھۆكۈمىتى ئارىسىدا تىنچلىقنى ئۆز ئىچىگە ئالغا كەڭ دائىرىلىك بىر كېلىشىمنىڭ ئىمزالىنىشى ئۈچۈن پايدىلىق ئىكەنلىكىنى ئوتتۇرىغا قويۇشماقتا.

پەلەستىن مەسىلىسىنى ھەل قىلىش ئۈچۈن تىرىشچانلىق كۆرسىتىۋاتقان ئامېرىكا تاشقى ئىشلار مىنىستىرى رايىس خانىم دۈشەنبە كۈنى ئىسرائىلىيە ۋە پەلەستىنگە بېرىپ، ئىككى تەرەپ رەھبەرلىرى بىلەن تىنچلىق ۋە كېلىشىم مەسىلىلىرى مۇزاكىرە قىلىدىكەن.




پىكىرلەر (0)
Share
تولۇق بەت