Майик помпийо: америка-хитай оттуридики сүркилиш мустәбитлик билән әркинликниң чиқишалмаслиқи

Мухбиримиз нуриман
2020-11-10
Елхәт
Пикир
Share
Принт
Америка ташқи ишлар министири майк помпейо әпәнди «никсон президент кутупханисида» сөздә. 2020-Йили 23 июл.
Америка ташқи ишлар министири майк помпейо әпәнди «никсон президент кутупханисида» сөздә. 2020-Йили 23 июл.
AP

10-Ноябир роналд реган институти, әркинлик вә демократийә мәркизи американиң ташқи сиясәтлири үстидә мәхсус йиғин уюштурған. Америка ташқи ишлар министирлиқиниң министири майик помпийо амерканиң қиммәт қариши вә американиң қиммәт қаришиға тәһдит болуватқан хитай компартийәси һәққидә мәхсус тохталған.

Помпийо сөзидә, американиң һәр вақит әркинлик тәрипидә туридиғанлиқини алаһидә тәкитлигән. У американиң давамлиқ иттипақдашлири билән һәмкарлишип «хитай хириси» алдида техиму күчлүк, техиму очуқ-ашкара һәрикәт қилидиғанлиқини билдүргән.

У йәнә мундақ дегән: «күчлүк болуш вә очуқ-ашкара болуш американиң дунядики әркинликниң биринчи тәһдити болған хитай компартийәсигә тақабил турушиниң асаси. Хушаллинарлиқ йери шуки, өз-өзигә хоҗа болаллайдиған әркин дөләтләр биз тәрәптә туруватиду. 40 Йилдин буян биз нишанимизни йоқитип қойдуқ. Бейҗиң йүргүзгән сиясәтләрниң дамиға чүшүп кәттуқ, хитай компартийәсиниң маһийитини биләлмидуқ. Улар номуссизларчә инсаний қәдир-қиммәтни аяқ асти қилди. Биз изчил шуни тәкитләп кәлдуқ, америка хитайға охшаш хәлқара мунасивәтләрдә һәргизму бир партийиниң қаидилиригә асасланмайду. Америка аддий болсиму күчлүк әркинлик характери болған, хәлқара сәһнидә рол ойнашни халайдиған һәр қандақ дөләтни қоллайду. Биз хитай һакимийитидин хаталиқиға мәсул болуш, очуқ-ашкара болуш, өз-ара мәнпәәт йәткүзүшни тәләп қилидуқ. Йәнә әмди американиң сода-санаитигә бузғунчилиқ қилиш, һәр қайси орунларға ‹җасус' киргүзүш, әқли һоқуқни оғирлаш қатарлиқ қилимишларни тохтитиши керәкликини әскәртип қойдуқ.»

Майик помпийо өзи қатнашқан һәр қандақ йиғин вә сөһбәтләрдә уйғур, тибәт, хоңкоң мәсилисини даим тилға алидиған болуп, у бу нуқтини бу қетимму унтуп қалмған. У мундақ дегән: «кишилик һоқуқ дәпсәндичиликигә сәл қаралмаслиқи керәк. Хитай компартийәсиниң шинҗаң, тибәт вә башқа йәрләрдики бастурушини қобул қилғили болмайду.»

У йәнә урғулуқ қилип мунуларни қошумчә қилди: «тинчлиқни қоғдаш үчүн, бу хирислар пәқәт дипломатик тиришчанлиқнила әмәс бәлки һәрбий күчниму тәләп қилиду».

Помпийо нутқи давамида өзиниң 30 айдин бери ташқи ишлар министири болуш сүпити билән нурғун дөләтләрдә зиярәттә болғанлиқини, зиярәтләрдә иттипақдаш дөләтләрни хитайниң маһийити, асаси нийитидин агаһландуридиғанлиқи, ғәрб дөләтлириниң ғалиб келидиғанлиқи, һәқиқәтниң һамини ашкарилинидиғанлиқини тәкитлигән.

Помпийо: «нөвәттә хәлқара сиясәттә тартишиливатқини америка-хитай оттурисидики петишалмаслиқ болмастин, бәлки мустәбитлик билән әркинликниң чиқишалмаслиқи» икәнликини алаһидә әскәрткән.

Помпийо нутқи давамида реганниң сабиқ совет иттипақиниң хирислириға тақабил туруши билән һазирқи тирамп һөкүмитиниң хитай компартийәсиниң һийлә-микирлик сиясәтлиригә тақабил турушини селиштурған.

У американиң иттипақдаш дөләтләр билән бирликтә хитай компартийәсигә техиму күчлүк тақабил туридиғанлиқини тәкитлигән

У ахирида мундақ дегән: «биз барлиқ хирисларға тақабил турушимиз вә бу хирислани йеңишимиз керәк. Дөлитимизниң нишаниға ишинимиз керәк. Қиммәт қаришимизға игә чиқишимиз, вә һаят усулимизни қоғдишимиз керәк. Чүнки биз америкалиқларниң вәдисигә шәксиз ишимиз. Американиң қурулуш пиринсипи өзгичә, кәлгүсигә болған вәдисиму алаһидә. Американиң ичидила әмәс иттипақдаш дөләтләр арисидиму америка йол башлап маңалайду. Биз бирләшсәк техиму күчлинимиз. Техиму әркин болимиз, ишәнчимиз ашиду. Бирликтә хитай хирисиға тақабил туралаймиз».

Пикирләр (0)
Share
Толуқ бәт