Қарамайдики от аптидә 6 нәпәр уйғур җинидин айрилди

Ихтиярий мухбиримиз иһсан
2015-03-25
Елхәт
Пикир
Share
Принт
Қарамайдики уйғур мәһәллисидә йүз бәргән от апити
Қарамайдики уйғур мәһәллисидә йүз бәргән от апити
RFA/Ihsan


25 - Март күни сәһәр вақти 1 дин ашқанда қарамай шәһириниң шамалбағ мәһәллисигә тәвә, уйғурлар топлишип олтурақлашқан районға намәлум сәвәбләр билән от кәткән.

24 - Март чиққан 9бал боран сәвәблик от ялқуни тездин кеңийип 1000 квадират метирлиқ райондики олтурақ өйләргә тутушуп кәткән.

Қарамай шәһәрлик от очуруш тармақлири отни 5 саәттә аран өчүрәлигән.

Бу қетимлиқ от апитидә бир аилә кишлиридин аниси, бәш балиси болуп 6 киши көйүп өлгән. Балиларниң чоңи 6 яш, кичики техи нәччә айлиқ болған бовақ икән.

Балиларниң дадиси һаят қалған болсиму, әмма бәдининиң %97 и көйүп кәткән.

Қарамай шәһиридики уйғур яшлар от апитидин хәвәр тапқандин кейин, дәрһал бир - бирини хәвәрләндуруп нәқ мәйданға берип от өчүрүшкә тәшкиллинип, қоллири билән топа ташлап от өчүргән, от аптигә учриған уйғурларни бихәтәр орунға йөткигән һәмдә пүтүн қарамай хәлқини кечиләп хәвәрләндуруп, апәткә учриған қериндашлириниң йимәк - ичмәк, кийим - кечәк мәслисини һәл қилған.

Йәрлик даириләр йәнә уқтуруш чиқирип, ундидар қатарлиқ учур вастилиридә от апитигә даир учурларни тарқитишни чәклигән.

Биз от апитикә учриған уйғурларниң әһвалини ениқлаш үчүн, қарамай шәһәр хәлқидин әһвал игиләшкә тириштуқ. Бир шәһәр аһалиси отта коюп яриланғанлар саниниң 8 нәпәр икәнликини дәлиллиди. Биз әһвал игиләш җәрянида от апитигә учриған уйғурлар от кетишниң җәрянлири вә бәзи сәвәблирини аңлатти.

Пикирләр (0)
Share
Толуқ бәт