Хитай африқида йәр сетивелип, ачарчилиққа сәвәб болғанлиқини рәт қилди

Хитай һөкүмити африқида терилғу йәрләрни сетивелип, кәң көләмлик санаәтләшкән йеза игилик мәйданлирини қуруш арқилиқ ачарчилиққа сәвәб болғанлиқини рәт қилди.
Мухбиримиз әркин
2011-07-29
Елхәт
Пикир
Share
Принт

Йеқинда германийиниң юқири дәриҗилик бир әмәлдари африқида йүз бәргән ачарчилиқта хитайниң җавабкарлиқи барлиқи, униң африқида қурған санаәтләшкән йеза игилик мәйданлириниң африқа йәрлик деһқанчилиқини вәйран қилип, ачарчилиқни еғирлаштурувәткәнликини билдүргән.

Лекин хитай ташқи ишлар министирлиқи хитайниң йәр шари вақти ториға сөһбәт елан қилип, германийә әмәлдариниң юқириқи сөзини рәт қилған вә бу әмәлдарниң сөзини «тамамән ойдурма» дегән шундақла африқиға ярдәм қиливатқанлиқини билдүргән.

Хәлқара кишилик һоқуқ тәшкилатлири буниңдин хели бурунла мунасивәтлик тәрәпләрни агаһландурған иди. Хитайниң африқиға салған мәблиғи хиянәтчиликни әвҗ алдуруп, африқиниң муһити, африқилиқларниң әмгәк һоқуқини дәпсәндә қиливатқанлиқини илгири сүргән.

Йеқинда германийә һөкүмитиниң африқа ишлириға мәсул әмәлдари гунтер нук, хитайниң африқида терилғу йәр сетивелип, деһқанчилиқ мәйданлирини қуруши йеза игилик мәһсулатлирини експорт қилишни асас қилған.

Бу йәрлик африқилиқлар билән зор мәнпәәт тоқунуши кәлтүрүп чиқириши мумкин. Чүнки бу йәрлик деһқанларниң терилғу йәрләрдин айрилип, уларниң җан беқиш йолиниң үзүлүп қелишини кәлтүрүп чиқириду, дегән иди.

Пикирләр (0)
Share
Толуқ бәт