Xitay afriqida yer sétiwélip, acharchiliqqa seweb bolghanliqini ret qildi

Xitay hökümiti afriqida térilghu yerlerni sétiwélip, keng kölemlik sana'etleshken yéza igilik meydanlirini qurush arqiliq acharchiliqqa seweb bolghanliqini ret qildi.
Muxbirimiz erkin
2011-07-29
Élxet
Pikir
Share
Print

Yéqinda gérmaniyining yuqiri derijilik bir emeldari afriqida yüz bergen acharchiliqta xitayning jawabkarliqi barliqi, uning afriqida qurghan sana'etleshken yéza igilik meydanlirining afriqa yerlik déhqanchiliqini weyran qilip, acharchiliqni éghirlashturuwetkenlikini bildürgen.

Lékin xitay tashqi ishlar ministirliqi xitayning yer shari waqti torigha söhbet élan qilip, gérmaniye emeldarining yuqiriqi sözini ret qilghan we bu emeldarning sözini "Tamamen oydurma" dégen shundaqla afriqigha yardem qiliwatqanliqini bildürgen.

Xelq'ara kishilik hoquq teshkilatliri buningdin xéli burunla munasiwetlik tereplerni agahlandurghan idi. Xitayning afriqigha salghan meblighi xiyanetchilikni ewj aldurup, afriqining muhiti, afriqiliqlarning emgek hoquqini depsende qiliwatqanliqini ilgiri sürgen.

Yéqinda gérmaniye hökümitining afriqa ishlirigha mes'ul emeldari guntér nuk, xitayning afriqida térilghu yer sétiwélip, déhqanchiliq meydanlirini qurushi yéza igilik mehsulatlirini éksport qilishni asas qilghan.

Bu yerlik afriqiliqlar bilen zor menpe'et toqunushi keltürüp chiqirishi mumkin. Chünki bu yerlik déhqanlarning térilghu yerlerdin ayrilip, ularning jan béqish yolining üzülüp qélishini keltürüp chiqiridu, dégen idi.

Toluq bet