Akmel sheyxning a'ilisi bayanat élan qilip, xitayning 'adaliti'ni shiddetlik tenqid qildi

Xitay hökümiti ölüm jazasi bérip seyshenbe küni ürümchide ijira qilghan hindi qan séstimisidiki en'giliyilik akmel sheyxning a'ilisi charshenbe küni bayanat élan qilip, xitay da'irilirining mezkur diloni bir terep qilish jeryanidiki tekebburluqi we yoghanchiliqini shiddetlik tenqid qildi.
Muxbirimiz erkin
2009-12-31
Élxet
Pikir
Share
Print

Bayanatta, akmelning a'ilisi uninggha ölüm jazasi bérilmesliki kérek, dep qaraydighanliqini, chünki uningda rohi késellik barliqini bildürgen.

Akmel sheyxning ölüm jazasi seyshenbe küni ürümchide ijra qilinip, uning jesiti shu yerge depne qilin'ghan idi. Ölüm jazasi ijira qilinishtin burun uning ikki newre tuqqini ürümchige yétip bérip, akmelni axirqi qétim ziyaret qilghan. Akmelning ürümchige barghan newre tuqqanliridin nasir sheyxning bildürüshiche, ular 2007 ‏- yildin béri xitay da'iriliridin akmelning rohi késellik ehwaligha qayta di'agnoz qoyushni telep qilip, uning késellik ehwaligha da'ir uchurlar bilen teminligen bolsimu, lékin sot mehkimisi uninggha qayta di'agnoz qoyushni ret qilghan.

Akmelning a'ilisidikiler, xitay sot mehkimilirining diloni xuddi éliktir kunupkisini bashqurghan'gha oxshash bir terep qilidighanliqini, sotchilarning öz nöwitide yene tibbiy mutexessislerning rolini oyniyalaydighanliqini bildürgen.

Nasir sheyx, akmelge ölüm jazasining qararlashturulghanliqini özlirige uqturghanliqini, xitay ölüm jazasining qararlashturulghanliqini akmelge uqturudighanliqini bildürgen bolsimu, lékin özlirining ürümchige kélip akmel bilen körüshkende, uning ölüm jazasi qararlashturulghanliqidin xewiri yoqluqini, bu sheyx a'ilisidikilerge nahayiti éghir kelgenlikini tekitligen.

Bu dilogha en'giliye hökümiti arilashqan bolsimu, lékin xitay en'giliye bash ministiri gordon browén we tashqi ishlar ministiri léwisning ölüm jazasini toxtitish toghrisidiki iltimasigha pisent qilmighan idi. En'giliye tashqi ishlar ministiri léwis, akmelning ölüm jazasini" kishilik hoquqning eng asasiy prinsipigha xilap" dep tenqid qilghan.

Toluq bet