Америка асия райониға йәниму ичкириләп кирмәктә

Америка асия райониға йәниму ичкириләп кириватқан болуп, филиппин вә сингапор қатарлиқ иттипақдашлирини америкиниң бу районға келишини қарши алған.
Мухбиримиз җүмә
2012-01-28
Елхәт
Пикир
Share
Принт

Филиппин вә америкиниң юқири дәриҗилик әмәлдарлири икки күни сөһбәт өткүзгәндин кейин, җүмә күни бихәвәрлик һәмкарлиқи һасил қилди. Филиппин ташиқи ишлар министири алберт росарйио филиппинниң америка билән йәнә көплигән һәрбий маневирларни биргә өткүзидиғанлиқи вә америка әскәрлириниң филиппинға көпрәк әвәтилишини халайдиғанлиқини билдүргән.

Икки ай илгири америка президенти обама асиядики һәрбий мәвҗутлуқини техиму күчәйтидиғанлиқини һәмдә австралийиниң дарвин районида һәрбий база қуридиғанлиқини елан қилған.

Хәвәрләргә қариғанда, америка филиппинға җасуслуқ айропиланлирини қәрәллик әвәтип, тинч окян районини тәкшүрүш елип бериш тәлипини оттуриға қойған. Нөвәттә филиппин даирилири америкиниң бу тәлипини җиддий ойлашмақта икән.

Униңдин башқа америка илгири сингапорға йеңи типтики уруш парахотлирини әвәтидиғанлиқини билдүргән иди.

Пикирләр (0)
Share
Толуқ бәт