Amérika asiya rayonigha yenimu ichkirilep kirmekte

Amérika asiya rayonigha yenimu ichkirilep kiriwatqan bolup, filippin we sin'gapor qatarliq ittipaqdashlirini amérikining bu rayon'gha kélishini qarshi alghan.
Muxbirimiz jüme
2012-01-28
Élxet
Pikir
Share
Print

Filippin we amérikining yuqiri derijilik emeldarliri ikki küni söhbet ötküzgendin kéyin, jüme küni bixewerlik hemkarliqi hasil qildi. Filippin tashiqi ishlar ministiri albért rosaryi'o filippinning amérika bilen yene köpligen herbiy manéwirlarni birge ötküzidighanliqi we amérika eskerlirining filippin'gha köprek ewetilishini xalaydighanliqini bildürgen.

Ikki ay ilgiri amérika prézidénti obama asiyadiki herbiy mewjutluqini téximu kücheytidighanliqini hemde awstraliyining darwin rayonida herbiy baza quridighanliqini élan qilghan.

Xewerlerge qarighanda, amérika filippin'gha jasusluq ayropilanlirini qerellik ewetip, tinch okyan rayonini tekshürüsh élip bérish telipini otturigha qoyghan. Nöwette filippin da'iriliri amérikining bu telipini jiddiy oylashmaqta iken.

Uningdin bashqa amérika ilgiri sin'gaporgha yéngi tiptiki urush paraxotlirini ewetidighanliqini bildürgen idi.

Toluq bet