Америка хәлқара диний әркинлик комитети хитайни әйиблиди

Америка хәлқара диний әркинлик комитети йиллиқ доклат елан қилип хитай башлиқ 13 дөләтни диний әркинликни еғир дәпсәндә қилиш билән әйиблиди.
Мухбиримиз ирадә
2010-04-29
Елхәт
Пикир
Share
Принт

Комитет доклатида хитайдики диний вә етиқад әркинликини дәпсәндә қилиш әһвалиниң бултурқидинму начарлишип кәткәнликини, болупму уйғур мусулманлири вә тибәтләрниң диний етиқад әркинликиниң бу йилму системилиқ һалда дәпсәндә қилинғанлиқини қәйт қилди.

Доклатта баян қилинишичә, дуня миқясида диний етиқад әркинлики бесимға учрайдиған дөләтләр бултурқи 8 дөләттин 13 дөләткә өрлигән болуп, булар хитай, берма, еритерия, иран, шималий корийә, сәуди әрәбистан, судан, өзбекистан, ирақ, нигерийә, пакистан, түркмәнистан, вә вйетнам қатарлиқ дөләтләр икән.

Доклатта америкиниң диний әркинликни еғир дәпсәндә қиливатқан бу 13 дөләткә қарита үнүмлүк тәдбир қоллинип, диний етиқад әркинликини қоғдиши керәклики алаһидә тәкитләнгән.

Америка хәлқара диний әркинлик комитети америка дөләт мәҗлиси тәрипидин қурулған мустәқил орган болуп, 1998 - йили қурулған бу комитет дуня миқясидики дөләтләрниң диний етиқад әркинлики мәсилиси үстидә тәкшүрүш елип берип, һәр йили америка һөкүмитигә бу һәқтә доклат тәйярлап кәлмәктә.

Пикирләр (0)
Share
Толуқ бәт