Amérika xelq'ara diniy erkinlik komitéti xitayni eyiblidi

Amérika xelq'ara diniy erkinlik komitéti yilliq doklat élan qilip xitay bashliq 13 döletni diniy erkinlikni éghir depsende qilish bilen eyiblidi.
Muxbirimiz irade
2010-04-29
Élxet
Pikir
Share
Print

Komitét doklatida xitaydiki diniy we étiqad erkinlikini depsende qilish ehwalining bulturqidinmu nacharliship ketkenlikini, bolupmu Uyghur musulmanliri we tibetlerning diniy étiqad erkinlikining bu yilmu sistémiliq halda depsende qilin'ghanliqini qeyt qildi.

Doklatta bayan qilinishiche, dunya miqyasida diniy étiqad erkinliki bésimgha uchraydighan döletler bulturqi 8 dölettin 13 döletke örligen bolup, bular xitay, bérma, éritériya, iran, shimaliy koriye, se'udi erebistan, sudan, özbékistan, iraq, nigériye, pakistan, türkmenistan, we wyétnam qatarliq döletler iken.

Doklatta amérikining diniy erkinlikni éghir depsende qiliwatqan bu 13 döletke qarita ünümlük tedbir qollinip, diniy étiqad erkinlikini qoghdishi kérekliki alahide tekitlen'gen.

Amérika xelq'ara diniy erkinlik komitéti amérika dölet mejlisi teripidin qurulghan musteqil organ bolup, 1998 - yili qurulghan bu komitét dunya miqyasidiki döletlerning diniy étiqad erkinliki mesilisi üstide tekshürüsh élip bérip, her yili amérika hökümitige bu heqte doklat teyyarlap kelmekte.

Toluq bet