فىلىپپىن ئامېرىكا ھەربىي ھەمكارلىقى خىتاينى بىئارام قىلدى

فرانسىيە ئاگېنتلىقىنىڭ يېزىشىچە، فىلىپپىن دائىرىلىرى ئۆتكەن جۈمە كۈنى ئامېرىكا قوشۇنلىرىنىڭ فىلىمىدىكى ھەربىي مانېۋىرغا قاتنىشىشىنى تەلەپ قىلغانلىقى شۇنىڭدەك يەنە ئامېرىكىنىڭ فىلىپپىندا تېخىمۇ كۆپ ئەسكەر تۇرغۇزۇشىنى ئۈمىد قىلىدىغانلىقىنى بىلدۈرگەندىن كېيىن خىتاي تاشقى ئىشلار مىنىستىرلىكى يەكشەنبە كۈنى بۇ ھەقتە ئىنكاس قايتۇرۇپ، «مۇناسىۋەتلىك تەرەپنىڭ رايوننىڭ تىنچلىقى ۋە مۇقىملىقىغا كۆڭۈل بۆلۈشى»نى ئوتتۇرىغا قويدى.
مۇخبىرىمىز ئۈمىدۋار
2012-01-29
ئېلخەت
پىكىر
Share
پرىنت

فىلىپىننىڭ ئامېرىكىدىن ئۆز دۆلىتىدە تېخىمۇ كۆپ قوشۇن تۇرغۇزۇشىنى تەلەپ قىلىشى خىتاي ھۆكۈمىتىگە تەۋە مەتبۇئاتلارنىڭ قاتتىق تەنقىدىگە ئۇچرىغان بولۇپ،«يەر شارى ۋاقتى» گېزىتى بۇ ھەقتە ماقالە ئېلان قىلىپ، جۇڭگو ھۆكۈمىتىنى فىلىپپىن ‘غا ئىقتىسادىي جازا قوللىنىشقا چاقىرغان.

فىلىپپىن بىلەن ئامېرىكىنىڭ بىرلەشمە ھەربىي مانېۋىرى بۇ يىل 3 - ئايلاردا جەنۇبىي دېڭىزنىڭ بىر قىسمىدا ئۆتكۈزۈلىدىغان بولۇپ، ئامېرىكا تەرەپ بۇنىڭغا 500 كىشىلىك قوشۇنىنى، ئايروپىلان ۋە پاراخوتلىرىنى، فىلىپپىن تەرەپ 1000 مىڭ كىشىلىك قوشۇنىنى قاتناشتۇرىدىغانلىقىنى بىلدۈرگەن ئىدى.

جەنۇبىي دېڭىزدىكى تاقىم ئاراللارنىڭ ئىگىلىك ھوقۇقى جېدىلى بۇ رايون ۋەزىيىتىگە ئىزچىل تەسىر كۆرسىتىپ كەلمەكتە. رايوندىكى ۋېتنام، فىللىپپىن قاتارلىق دۆلەتلەر خىتاينى تاجاۋۇزچىلىق بىلەن ئەيىبلىمەكتە ئىدى. خىتاي بولسا، جەنۇبىي دېڭىز تاقىم ئاراللىرىنىڭ ئۆز زېمىنى ئىكەنلىكىدە چىڭ تۇرماقتا.

پىكىرلەر (0)
Share
تولۇق بەت