Америка вә германийиниң бирлишип юқири иқтидарлиқ җасуслуқ сүний һәмраһи ясаватқанлиқи илгири сүрүлмәктә

Векиликс йеңидин ашкарилиған һөҗҗәтләргә қариғанда, америка вә германийә бирлишип бир юқири иқтидарлиқ җасуслуқ сүний һәмраһи ясаватқан болуп, германийиниң алақидар хадимлири мәзкур қурулуш түриниң мәвҗутлуқини рәт қилған.
Мухбиримиз җүмә
2011-01-03
Елхәт
Пикир
Share
Принт

Франсийә агентлиқида нәқил қилип хәвәр қилинишичә, мәзкур пиланға франсийә қарши чиққан. Һалбуки америка вә германийә даирилири мәзкур җасуслуқ сүний һәмраһ қурулушини бир сода қурулуш тури дәп көрситип, давамлаштурған.

Мәзкур қурулуш түригә "һирос" дәп нам берилгән. Сүний һәмраһқа орнитилған аппаратниң ениқлиқ дәриҗиси интайин юқири болуп, йәр шариниң һәр қандақ йеридики кичиклики 50 сантиметирғичә болған һәрқандақ нәрсиләрни ениқ сүрәткә алалайдикән.

Мәлум болушичә, мәзкур учурлар америкиниң германийидики әлчиханисиниң дипломатик алақилиридин ашкариланған.

Хәвәргә қариғанда, мәзкур җасуслуқ сүний һәмраһи германийә истихбарат идариси- бнд вә германийә аләм қатнишини башқуруш мәркизиниң башқурушиға өткүзүп берилидиған болуп, һалбуки германийә аләм қатнишиш мәркизи бу һәқтики учурларни дәлилләшни рәт қилған.

Даириләр бу сүний һәмраһниң пәқәт екологийилик муһитни қоғдаш үчүн ишлитидиғанлиқини илгири сүрүшмәктә.

Толуқ бәт