Amérika we gérmaniyining birliship yuqiri iqtidarliq jasusluq sün'iy hemrahi yasawatqanliqi ilgiri sürülmekte

Wékiliks yéngidin ashkarilighan höjjetlerge qarighanda, amérika we gérmaniye birliship bir yuqiri iqtidarliq jasusluq sün'iy hemrahi yasawatqan bolup, gérmaniyining alaqidar xadimliri mezkur qurulush türining mewjutluqini ret qilghan.
Muxbirimiz jüme
2011-01-03
Élxet
Pikir
Share
Print

Fransiye agéntliqida neqil qilip xewer qilinishiche, mezkur pilan'gha fransiye qarshi chiqqan. Halbuki amérika we gérmaniye da'iriliri mezkur jasusluq sün'iy hemrah qurulushini bir soda qurulush turi dep körsitip, dawamlashturghan.

Mezkur qurulush türige "hiros" dep nam bérilgen. Sün'iy hemrahqa ornitilghan apparatning éniqliq derijisi intayin yuqiri bolup, yer sharining her qandaq yéridiki kichikliki 50 santimétirghiche bolghan herqandaq nersilerni éniq süretke alalaydiken.

Melum bolushiche, mezkur uchurlar amérikining gérmaniyidiki elchixanisining diplomatik alaqiliridin ashkarilan'ghan.

Xewerge qarighanda, mezkur jasusluq sün'iy hemrahi gérmaniye istixbarat idarisi- bnd we gérmaniye alem qatnishini bashqurush merkizining bashqurushigha ötküzüp bérilidighan bolup, halbuki gérmaniye alem qatnishish merkizi bu heqtiki uchurlarni delilleshni ret qilghan.

Da'iriler bu sün'iy hemrahning peqet ékologiyilik muhitni qoghdash üchün ishlitidighanliqini ilgiri sürüshmekte.

Toluq bet