Америка асиядики һәрбий мәвҗудийитини күчәйтидиғанлиқини билдүрди

Америка дөләт мудапиә министири леон панетта бүгүн асия зияритиниң иккинчи бекити болған японийигә йетип кәлди.
Мухбиримиз шөһрәт һошур
2011-10-24
Елхәт
Пикир
Share
Принт

У бу йәрдә мухбирларға қилған сөзидә, америкиниң буниңдин кейин, асиядики һәрбий мәвҗудийитини күчләндүридиғанлиқини билдүргән. У сөзидә йәнә, америкиниң ирақ вә афғанистандин чекинип чиқиватқанлиқини әскәрткәндин кейин, буни америка үчүн, асия-тенч окян райондики мәнпәәтлиригә әһмийәт беришниң пурсити әмди йетип кәлди дәп чүшәндүргән.

Панетта сөзидә хитайниң һәрбий тәрәққиятидики хупиянилиқ вә униңға қарита әндишисини баян қилған; буниң билән бирликтә шималий корийиниң күшкүрткүч һәрикәтлирини тәнқид қилған.

Министир панетта өткән айдики бир сөзидиму, асиядики һәрбий күчни ашурушниң зөрүрийити һәққидә тохтилип, хитайниң һәрбий тәрәққиятиниң райондики америка мәнпәәтлиригә тәһдит шәкилләндүргәнлики ашкара баян қилған иди.

Министир панеттаниң асия зиярити 21-өктәбир күни һиндонезийидә башланған. Зиярәтниң ахирқи бекити җәнуби корийә. Көзәткүчиләр бу зиярәтни америкиниң райондики иттипақдашлириға хатирҗәмлик туйғуси бериш вә хитайни агаһландуруш үчүн бериливатқан бир сигнал дәп қарашмақта.

Пикирләр (0)
Share
Толуқ бәт