Amérika asiyadiki herbiy mewjudiyitini kücheytidighanliqini bildürdi

Amérika dölet mudapi'e ministiri léon panétta bügün asiya ziyaritining ikkinchi békiti bolghan yaponiyige yétip keldi.
Muxbirimiz shöhret hoshur
2011-10-24
Élxet
Pikir
Share
Print

U bu yerde muxbirlargha qilghan sözide, amérikining buningdin kéyin, asiyadiki herbiy mewjudiyitini küchlendüridighanliqini bildürgen. U sözide yene, amérikining iraq we afghanistandin chékinip chiqiwatqanliqini eskertkendin kéyin, buni amérika üchün, asiya-ténch okyan rayondiki menpe'etlirige ehmiyet bérishning pursiti emdi yétip keldi dep chüshendürgen.

Panétta sözide xitayning herbiy tereqqiyatidiki xupiyaniliq we uninggha qarita endishisini bayan qilghan؛ buning bilen birlikte shimaliy koriyining küshkürtküch heriketlirini tenqid qilghan.

Ministir panétta ötken aydiki bir sözidimu, asiyadiki herbiy küchni ashurushning zörüriyiti heqqide toxtilip, xitayning herbiy tereqqiyatining rayondiki amérika menpe'etlirige tehdit shekillendürgenliki ashkara bayan qilghan idi.

Ministir panéttaning asiya ziyariti 21-öktebir küni hindonéziyide bashlan'ghan. Ziyaretning axirqi békiti jenubi koriye. Közetküchiler bu ziyaretni amérikining rayondiki ittipaqdashlirigha xatirjemlik tuyghusi bérish we xitayni agahlandurush üchün bériliwatqan bir signal dep qarashmaqta.

Toluq bet