Америка - җәнубий корийә иккинчи қетимлиқ һәрбий маневирни башлиди

Америка - җәнубий корийә һәрбий даирилири шималий корийиниң тәһдитлиригә қаримай, иккинчи қетимлиқ һәрбий маневирни башлиди. Хитай деңиз армийә генерали хитайниң мәзкур маневирни тосуп қелишқа һәрбий күчи йәтмәйдиғанлиқини, әмма бу хил маневирларниң икки дөләт арисида өз - ара ишәнмәслик дәриҗисини чоңқурлаштурудиғанлиқини билдүрди.
Мухбиримиз җүмә
2010-08-16
Елхәт
Пикир
Share
Принт

Ройтерста нәқил қилишичә, бу һәқтики пикирләрни хитай деңиз армийә майор генерали, бейҗиң дөләт мудапиә университетидики тәтқиқатчи яң йи оттуриға қойған.

Бу қетимлиқ маневир һәр йили бир қетим өткүзүлидиған шу хилдики маневирларниң бир қисми болуп, маневирға "улчи әркинлик қоғдиғучиси" дәп нам берилгән.

Җәнубий корийә мудапиә министирлиқи вә америкиниң җәнубий корийидә турушлуқ қоманданлиқ штаби дүшәнбә күни, маневирниң 11 күн давам қилидиғанлиқини, маневирға җәнубий корийә 56 миң, америка 30 миң әскәр қатнаштуридиғанлиқини билдүрди.

Бу нөвәтлик маневир пүтүнләй компютерлашқан болуп, қуруқлуқта елип берилиду.

Яң йениң билдүрүшичә, хитай даирилириму шу хилдики бир һәрбий маневир өткүзүшни ойлашқан икән. яң йи мундақ дегән: "америка сериқ деңизға кирди. Хитайниң буни һәрбий күч ишлитип тосуп қелишқа қурби йәтмәйду. Бу, һәрбий тоқунуш хәтирини кәлтүрүп чиқириду. Бу хил әһвал хитай вә америка үчүн ақиланилик әмәс."

Америка - җәнубий корийә даирилири өткән айниң ахири сериқ деңизда бирләшмә һәрбий маневир өткүзгән иди.

Пикирләр (0)
Share
Толуқ бәт