Amérika - jenubiy koriye ikkinchi qétimliq herbiy manéwirni bashlidi

Amérika - jenubiy koriye herbiy da'iriliri shimaliy koriyining tehditlirige qarimay, ikkinchi qétimliq herbiy manéwirni bashlidi. Xitay déngiz armiye générali xitayning mezkur manéwirni tosup qélishqa herbiy küchi yetmeydighanliqini, emma bu xil manéwirlarning ikki dölet arisida öz - ara ishenmeslik derijisini chongqurlashturudighanliqini bildürdi.
Muxbirimiz jüme
2010-08-16
Élxet
Pikir
Share
Print

Roytérsta neqil qilishiche, bu heqtiki pikirlerni xitay déngiz armiye mayor générali, béyjing dölet mudapi'e uniwérsitétidiki tetqiqatchi yang yi otturigha qoyghan.

Bu qétimliq manéwir her yili bir qétim ötküzülidighan shu xildiki manéwirlarning bir qismi bolup, manéwirgha "ulchi erkinlik qoghdighuchisi" dep nam bérilgen.

Jenubiy koriye mudapi'e ministirliqi we amérikining jenubiy koriyide turushluq qomandanliq shtabi düshenbe küni, manéwirning 11 kün dawam qilidighanliqini, manéwirgha jenubiy koriye 56 ming, amérika 30 ming esker qatnashturidighanliqini bildürdi.

Bu nöwetlik manéwir pütünley kompyutérlashqan bolup, quruqluqta élip bérilidu.

Yang yéning bildürüshiche, xitay da'irilirimu shu xildiki bir herbiy manéwir ötküzüshni oylashqan iken. Yang yi mundaq dégen: "amérika sériq déngizgha kirdi. Xitayning buni herbiy küch ishlitip tosup qélishqa qurbi yetmeydu. Bu, herbiy toqunush xetirini keltürüp chiqiridu. Bu xil ehwal xitay we amérika üchün aqilanilik emes."

Amérika - jenubiy koriye da'iriliri ötken ayning axiri sériq déngizda birleshme herbiy manéwir ötküzgen idi.

Toluq bet