Америка дөләт мәҗлиси хитай ишлири комитети қәшқәр шәһириниң чеқилишини әйибләп мақалә елан қилди

Америка дөләт мәҗлиси хитай ишлар комитети 6 - айниң 17 - күни хитайниң қәшқәр қәдимий шәһирини чиқиватқанлиқини әйибләп америка дөләт мәҗлиси тор бетидә мақалә елан қилди.
Мухбиримиз миһрибан
2009-06-18
Елхәт
Пикир
Share
Принт

Мақалидә қәшқәр кона шәһәр районидики қәдимий биналарниң чеқилиши дуня мәдәнийити тарихи үчүн бир чоң йоқитиш икәнлики тәкитлинип, хитай һөкүмитиниң бу тарихий мәдәний мирасларни қоғдашниң орниға, бу райондики өйләрни конирап кәтти дегән баһанидә чеқиши әнәнивий мәдәнийәтни вәйран қилиш дәп әйибләнди.

Мақалидә қәшқәр кона шәһәр районидики қәдимий биналарниң чеқилишниң йәрлик уйғур хәлқигә елип кәлгән яман ақивәтлири коп нуқтидин шәрһилинип, хитайниң хәлқарадики қаршилиқларға қаримастин, уйғурлар топлишип олтурақлашқан қәшқәр шәһиридә бу өйләрни чеқиши, әмәлийәттә уйғур мәдәнийитини йоқитиш вә бир тарихни дуня хәритисидин өчүрүветиштин ибарәт дәп көрситилди.

Радиомизниң уйғур бөлүми чаршәнбә күни, йәрлик уйғурларниң инкасиға асасән, қәшқәрдә 1 - дәриҗилик қоғдилидиған, 1300 йилдин артуқ тарихқа игә мәдәний ядикарлиқ - ханлиқ мәдрисиниң 12 - июндин 15 - июнғичә 4 күн вақит ичидә чеқип ташланғанлиқини хәвәр қилған иди.
Пикирләр (0)
Share
Толуқ бәт