Muxbirimiz mihriban
2009-06-18
Maqalide qeshqer kona sheher rayonidiki qedimiy binalarning chéqilishi dunya medeniyiti tarixi üchün bir chong yoqitish ikenliki tekitlinip, xitay hökümitining bu tarixiy medeniy miraslarni qoghdashning ornigha, bu rayondiki öylerni konirap ketti dégen bahanide chéqishi en'eniwiy medeniyetni weyran qilish dep eyiblendi.
Maqalide qeshqer kona sheher rayonidiki qedimiy binalarning chéqilishning yerlik Uyghur xelqige élip kelgen yaman aqiwetliri kop nuqtidin sherhilinip, xitayning xelq'aradiki qarshiliqlargha qarimastin, Uyghurlar topliship olturaqlashqan qeshqer shehiride bu öylerni chéqishi, emeliyette Uyghur medeniyitini yoqitish we bir tarixni dunya xeritisidin öchürüwétishtin ibaret dep körsitildi.
Radi'omizning Uyghur bölümi charshenbe küni, yerlik Uyghurlarning inkasigha asasen, qeshqerde 1 - derijilik qoghdilidighan, 1300 yildin artuq tarixqa ige medeniy yadikarliq - xanliq medrisining 12 - iyundin 15 - iyun'ghiche 4 kün waqit ichide chéqip tashlan'ghanliqini xewer qilghan idi.
