Америка өзиниң тинч окяндин һәргиз чекинмәйдиғанлиқини әскәртти

12- Өктәбир, америка дөләт мудапиә министири вейтнамда, җәнубий хитай деңизида америкиниңму мәнпәәти барлиқини оттуриға қойди вә америкиниң тинч окяндин һәргиз чекинмәйдиғанлиқини әскәртти.
Мухбиримиз җүмә
2010-10-12
Елхәт
Пикир
Share
Принт

Гейтис бу сөзләрни, вйетнам пайтәхти ханойда ечиливатқан шәрқий җәнуби асия әллири иттипақиниң мудапиә министирлири йиғинда оттуриға қойди.

Гейтис мундақ деди: "деңизда йүрүш әркинлики, тосқунсиз иқтисадий тәрәққият, сода вә хәлқара қанунларниң һөрмәт қилиниши қатарлиқларда дөләт мәнпәәтимиз бар."

Гейтис йәнә, асия әллири арисида улғийиватқан деңиз тәвәлики җедилиниң, район бихәтәрликигә тәһдит елип келидиғанлиқини, талаш- тартишларниң тинч йосунда һәл қилиниши керәкликини илгири сүрди.

Гейтис ахирида, америкиниң һәр заман өз һоқуқни қоғдайдиғанлиқини вә башқиларниң хәлқара су тәвәликидики йүрүш һоқуқини қоғдишини қоллайдиғанлиқини билдүрди.

У мундақ деди: "бу мәңгү өзгәрмәйду. Һәтта йәнә, өз иттипақдашлиримиз билән бирликтә маневир вә бирликтә һәрикәт елип беришимизму шу пети давамлишивериду."

Гейтис йәнә, америка асия деңиз районида елип баридиған һәрбий маниверлар һәққидә тохтилип, "бу хилдики маниверлар бизниң бу райондики тинчлиқ вә муқимлиқни сақлаштики вәдилиримизниң әң муһим тәркиби қисми" деди. Мәлум болушичә, хитай америкиниң мәзкур мәйданиға наразилиқ билдүргән.

Толуқ бәт