Amérika özining tinch okyandin hergiz chékinmeydighanliqini eskertti

12- Öktebir, amérika dölet mudapi'e ministiri wéytnamda, jenubiy xitay déngizida amérikiningmu menpe'eti barliqini otturigha qoydi we amérikining tinch okyandin hergiz chékinmeydighanliqini eskertti.
Muxbirimiz jüme
2010-10-12
Élxet
Pikir
Share
Print

Géytis bu sözlerni, wyétnam paytexti xanoyda échiliwatqan sherqiy jenubi asiya elliri ittipaqining mudapi'e ministirliri yighinda otturigha qoydi.

Géytis mundaq dédi: "déngizda yürüsh erkinliki, tosqunsiz iqtisadiy tereqqiyat, soda we xelq'ara qanunlarning hörmet qilinishi qatarliqlarda dölet menpe'etimiz bar."

Géytis yene, asiya elliri arisida ulghiyiwatqan déngiz teweliki jédilining, rayon bixeterlikige tehdit élip kélidighanliqini, talash- tartishlarning tinch yosunda hel qilinishi kéreklikini ilgiri sürdi.

Géytis axirida, amérikining her zaman öz hoquqni qoghdaydighanliqini we bashqilarning xelq'ara su tewelikidiki yürüsh hoquqini qoghdishini qollaydighanliqini bildürdi.

U mundaq dédi: "bu menggü özgermeydu. Hetta yene, öz ittipaqdashlirimiz bilen birlikte manéwir we birlikte heriket élip bérishimizmu shu péti dawamlishiwéridu."

Géytis yene, amérika asiya déngiz rayonida élip baridighan herbiy maniwérlar heqqide toxtilip, "bu xildiki maniwérlar bizning bu rayondiki tinchliq we muqimliqni saqlashtiki wedilirimizning eng muhim terkibi qismi" dédi. Melum bolushiche, xitay amérikining mezkur meydanigha naraziliq bildürgen.

Toluq bet