Amérika bilen wéytnam birleshme herbiy manéwir ötküzmekchi

Amérika bilen wyétnam yéqinda birleshme herbiy manéwir élip barmaqchi. Igilinishiche, bu herbiy manéwir wéytnam bilen xitay arisida igilik hoquq mesilisi mewjut bolghan jenubiy junggo déngizining ottura qisimlirida élip bérilidiken.
Muxbirimiz irade
2010-08-10
Élxet
Pikir
Share
Print

B b s ning xewer qilishiche, közetküchiler bu herbiy manéwirning xitayni qattiq bi'aram qilidighanliqini ilgiri sürmekte. Chünki jenubiy jonggu déngizidiki arallarning tewelik mesilisi xitay bilen wéytnam arisida uzundin béri hel bolmay kéliwatqan bolup, uning üstige xitay bu mesilige herqandaq bir döletning arilishishigha qet'iy qarshi turup kelgen idi. Shunga közetküchiler xitayning amérika bilen wéytnamning jenubiy junggo déngiz teweside manéwir ötküzüshini shübhisizki "ighwagerchilik" dep qaraydighanliqini bildürüshmekte.

Bu qétimliq herbiy manéwirgha amérikining téxi yéqindila amérika  - koriye herbiy manéwirigha qatniship qaytqan 7 - floti we yadro küchi bilen heriketlinidighan "jorj washin'gton" namliq awi'amatkisimu qatnishidiken.

Gerche 7 - filot bu manéwir heqqide bayanat élan qilip, manéwirni amérika bilen wéytnamning diplomatik munasiwet ornatqanliqining 15 yilliqi munasiwiti bilen élip bérilidighan "bir qatar déngiz üsti herbiy meshiqi" dep atighan bolsimu, emma közetküchiler buning xitaygha bérilgen bir qétimliq signal ikenlikini ilgiri sürüshmekte.

B b s ning éytishiche, bu qétimliq herbiy manéwir arqiliq amérika özining rayonda hélihem kontrol qilish küchige ige ikenlikini we bu rayonda erkin heriket qilish üchün xitay bilen tirkishishtin yanmaydighanliqini körsitishni meqset qilghan iken.

Toluq bet