Amérikidiki Uyghurlar qurban héytni kütüwaldi

28 - Noyabir küni chüshtin kéyin amérika paytexti washin'gton shehiri yénidiki wirjiniye, mariyland we bashqa shitatlardin kelgen bir qisim Uyghurlar fa'irfakis shehiridiki amérika - türkiye dostluq jem'iyitining binasigha jem bolup, qurban héyt pa'aliyiti ötküzdi.
Muxbirimiz ümüdwar
2009-11-29
Élxet
Pikir
Share
Print

Bu pa'aliyetke sahibxanliq qilghan orunlar amérika Uyghurliri jem'iyiti bilen xelq'ara Uyghur kishilik hoquq we démokratiyini ilgiri sürüsh fondi bolup, pa'aliyetke Uyghurlar özliri öyliride teyyarlap kelgen türlük yémekliklirini, élip kélip, éghiz tégishti we bir - birining qurban héytini qizghin tebrikleshti.

Bu yilqi qurban héyti, 5 - iyul weqesi bolup texminen 4 aydin artuq waqit ötken'ge toghra kelgen bolup, pa'aliyetke kelgen Uyghurlar xitay da'irilirining téléfon we internet alaqilirini üzüwétishi tüpeylidin bu yil özlirining wetinidiki ata - aniliri we urugh - tughqanliri bilen téléfon arqiliq sözliship, ularning qurban héytini tebriklesh mumkinchilikidin mehrum qalghanliqidin epsuslan'ghanliqi we ghezeplen'genlikini ipade qilishti.

Amérikidiki Uyghurlar qurban héyti mezgilide özara héytlash we özara tebriklesh pa'aliyetlirini dawamlashturmaqta.

Toluq bet