Amérika da'iriliri rusiyining11 kishilik jasusluq torini pash qildi

Roytrs agéntliqining bayan qilishiche, amérika da'iriliri tünügün nyuyork, nyujérsi, bostun, wirjiniye qatarliq jaylirida heriket qiliwatqan rusiyining 11 kishilik jasusluq torini pash qildi, uning 10 ini qolgha aldi, biri hazir qachaqta.
Muxbirimiz weli
2010-06-30
Élxet
Pikir
Share
Print

Bu rusiye jasuslirining hemmisi yalghan kimlik melum qilip amérikida qanunsiz turuwatqan kishiler. Uning beziliri nikah wastisi arqiliq amérikida uzun muddet turushni pilanlighan.

Amérika prézidénti obama bilen rusiye prézidénti médwédiwning, amérika bilen rusiyining munasiwitini qaytidin yaxshilashni otturigha qoyghan söhbitidin bir kün kéyin yüz bergen bu weqe, amérika - rusiye otturisida yaxshiliniwatqan dölet munasiwitige tuman peyda qildi.

Shinxu'a agéntliqining moskwadin bayan qilishiche, rusiye jasuslirining amérikida tutulghanliqi heqqidiki xewer, birdinla rusiyide eng chong xewer bolup qaldi.

Bash ministir wiladimér putin bügün buninggha inkas qayturup 'rusiye héchqachan, bezi döletlerge oxshash, bashqa elning pen - téxnikisini oghrilap kélip özining qiliwalidighan ishni qilip baqmidi. Rusiyide hazirgha qeder téxnika ötünüp bérish deydighan atalghu yoq' dégen.

Toluq bet