Б д т ниң ядро қораллирини контрол қилиш йиғини давамлашмақта

5 Бурҗәклик бинаниң ашкарилишичә, нөвәттә америкида 5113 данә ядро қорал оқ учи бар икән. Дүшәнбә күни америка ташқи ишлар министири һеллари клинтон, бирләшкән дөләтләр тәшкилатиниң ядро қораллирини контрол қилиш йиғинида, америкиниң һәр вақит ядро қораллар мәсилисидә ашкара болуш мәйданида туридиғанлиқини, америкиниң нөвәттә дөләт бихәтәрлики нуқтисидин йәнә 5000дин артуқ ядро қорал оқ учини сақлаватқанлиқини баян қилди.
Мухбиримиз миһрибан
2010-05-04
Елхәт
Пикир
Share
Принт

Клинтон ханим өз сөзидә йәнә, иранни ядро қораллирини кеңәйтиш билән әйибләп "иран дуняниң тинчлиқиға тәһдит селиватиду" деди. Шундақла дунядики һәр қайси дөләтләрни ядро қораллирини чәкләштә тиришчанлиқ көрситишкә чақирди.

Йиғинда иран президенти әхмәди ниҗат иранниң ядро қораллар мәсилисидики мәйданини ақлаш билән биллә "америка қатарлиқ дөләтләр ядро техникисини тинчлиқ үчүн тәрәққий қилдуруватқан дөләтләргә тәһдит селиватиду" дәп әйиблиди. Америка, әнглийә һәм франсийә вәкиллири әхмәди ниҗатниң сөзигә наразилиқ билдүрүш үчүн, йиғин мәйданидин чиқип кәткән.

Мәлум болушичә, бу қетимқи йиғинда йәнә, русийә һәм хитайму өз мәйданини ипадиләп доклат беридикән.

Пикирләр (0)
Share
Толуқ бәт