Sabiq prézidént bil klinton obamani qollaydighanliqini jakarlidi

Amérika démokratlar partiyisining shimaliy karolayna shtatida dawam qiliwatqan qurultiyining 2-künide sabiq prézidént, démokrat bil klinton nutuq sözlep, özining 11-aydiki saylamda barak obamaning namzatliqini qollaydighanliqini jakarlidi.
Muxbirimiz irade
2012-09-06
Élxet
Pikir
Share
Print

Jumhuriyetchiler, amérika prézidénti barak obamani 4 yil ichide amérika iqtisadida héchqandaq bir özgirish élip kélelmidi, dep tenqidlep kelgen idi. Emma bil klinton tünügünki nutqida jumhuriyetchilerning tenqidini ret qilip " jumhuriyetchiler mushundaq nachar ehwalgha chüshürüp qoyghan amérika iqtisadini héchkim hetta menmu 4 yil ichide onglap bolalmighan bolattim" dédi we amérika xelqidin obamagha yene bir qétim purset bérishini telep qildi.

Sabiq prézidént bil klinton 1993-2001-yilliri arisida amérikining prézidéntliq wezipisini ötigen. U yillar amérika iqtisadining eng güllen'gen dewrliri hésablinidighan bolup, hélihem nurghun amérikiliqlar séghinidighan dewrning prézidénti bolghan bil klintonning obamani qollishi obama üchün intayin paydiliq, dep qaralmaqta.

Bil klinton charshenbe küni axsham shimaliy karolaynada ming partiye ezasini öz ichige alghan 20 ming kishige xitab qildi. Bügün yeni peyshenbe küni axsham prézidént we 11-aydiki saylamning prézidént namzati barak obama namzatliqini tapshuruwalidu we nutuq sözleydu.

Toluq bet