Xitay da'iriliri bir Uyghurni eksil'inqilabiy mezmundiki matériyallarni saqlash jinayiti bilen qolgha aldi

Xitay da'iriliri 22-féwral ürümchide bir Uyghurni eksil'inqilabiy mezmundiki matériyallarni saqlash jinayiti bilen qolgha alghan.
Muxbirimiz jüme
2011-02-28
Élxet
Pikir
Share
Print

Dunya Uyghur qurultiyi bayanatchisi dilshat rishitning bildürüshiche, qolgha élin'ghuchi xotendin kelgen 23 yashliq xalmurat imin bolup, uning ürümchidiki öyidin rabiye qadir xanim heqqide ishlen'gen "Muhebbetning on sherti" ning DVD plastinkiliri bayqalghan.

 Dilshat rishitning éytishiche, xalmurat imin ötken 3 heptidin buyan ürümchi döngköwrük etrapida élip bérilghan axturushta tutulghan iken.
Halbuki, bu weqeni radi'omiz öz aldimizgha delilliyelmiduq.

Dunya Uyghur qurultiyi bayanat élan qilip, xitay hökümitining shexsiy turalghularni sotning uqturushisiz qalaymiqan axturghanliqini qattiq eyiblidi we axturush jeryanida nurghun Uyghurlarning kishilik hoquqigha éghir dexli qilin'ghanliqini bildürdi.

Melum bolushiche, "Muhebbetning on sherti" ürümchi döngköwrük etrapida bayqalghan bolup, xitay yerlik da'iriliri otken 3 heptidin buyan döngköwrük etrapidiki Uyghur öylirini axturushqa bashlighan.

Toluq bet