Чегрисиз мухбирлар тәшкилати җаң чүншәнгә очуқ хәт елан қилди

Мәркизи франсийидә турушлуқ чегрисиз мухбирлар тәшкилати бүгүн уйғур аптоном районлуқ партком секретари җаң чүншәнгә очуқ хәт елан қилди. Тәшкилат хетидә, уйғур районида интернет қайта әслигә кәлтүрүлгән болсиму, әмма униң үстидики чәклимини азайтишни давам қилиш керәкликини агаһландурди.
Мухбиримиз ирадә
2010-05-20
Елхәт
Пикир
Share
Принт

Очуқ хәттә мундақ дейилгән: "5 - июл вәқәсидин кейин уйғур райони 10 ай бойичә дунядин айриветилди. Дуняда һечқандақ һөкүмәт техи интернетни бундақ узун муддәт чәкләп баққини йоқ. Интернетниң қайта әслигә келиши яхши бир әһвал. Әмма буниң билән бирликтә биз уйғур районидики интернет қолланғучилириниң халиған тор бәткә киришини чәкләйдиған 'от тосма' ниң қаршилиқиға давамлиқ учраватқанлиқидәк пакитни унтуп қалмаслиқимиз керәк".

Чегрисиз мухбирлар тәшкилати җаң чүншәнгә язған хетидә йәнә, уйғур районидики мәсилини һәл қилиш үчүн ялғуз иқтисадий тәдбирләрни елишниң йетәрлик болмайдиғанлиқини, шуңлашқа пуқраларниң пикир әркинликигә һөрмәт қилишни ишқа ашуруш вә уйғур давасиға аит мәзмунларға болған чәклимини кемәйтиш яки елип ташлашни тәләп қилидиғанлиқини билдүрди .

Очуқ хәттә йәнә, уйғур давасиға "террорлуқ" қалпиқи кийгүзүшниң тоғра әмәслики әскәртилди.

Пикирләр (0)
Share
Толуқ бәт