Chégrisiz muxbirlar teshkilati jang chünshen'ge ochuq xet élan qildi

Merkizi fransiyide turushluq chégrisiz muxbirlar teshkilati bügün Uyghur aptonom rayonluq partkom sékrétari jang chünshen'ge ochuq xet élan qildi. Teshkilat xétide, Uyghur rayonida intérnét qayta eslige keltürülgen bolsimu, emma uning üstidiki cheklimini azaytishni dawam qilish kéreklikini agahlandurdi.
Muxbirimiz irade
2010-05-20
Élxet
Pikir
Share
Print

Ochuq xette mundaq déyilgen: "5 - iyul weqesidin kéyin Uyghur rayoni 10 ay boyiche dunyadin ayriwétildi. Dunyada héchqandaq hökümet téxi intérnétni bundaq uzun muddet cheklep baqqini yoq. Intérnétning qayta eslige kélishi yaxshi bir ehwal. Emma buning bilen birlikte biz Uyghur rayonidiki intérnét qollan'ghuchilirining xalighan tor betke kirishini chekleydighan 'ot tosma' ning qarshiliqigha dawamliq uchrawatqanliqidek pakitni untup qalmasliqimiz kérek".

Chégrisiz muxbirlar teshkilati jang chünshen'ge yazghan xétide yene, Uyghur rayonidiki mesilini hel qilish üchün yalghuz iqtisadiy tedbirlerni élishning yéterlik bolmaydighanliqini, shunglashqa puqralarning pikir erkinlikige hörmet qilishni ishqa ashurush we Uyghur dawasigha a'it mezmunlargha bolghan cheklimini kémeytish yaki élip tashlashni telep qilidighanliqini bildürdi .

Ochuq xette yene, Uyghur dawasigha "térrorluq" qalpiqi kiygüzüshning toghra emesliki eskertildi.

Toluq bet