Чира наһийисидин 200 дин артуқ уйғур қизи хитай өлкилиригә ишләмчиликкә елип кетилгән

Уйғур елидә чиқидиған хитайчә күндилик гезиттин ашкарилинишичә, тәклимаканниң ички қисмидики чәт яқа наһийә һесабланған чира наһийисидин 222 нәпәр қиз, хитайниң гуаңдуң, чиңдав қатарлиқ өлкә вә шәһәрлиридики завутларға ишләмчиликкә йөткәлгән.
Мухбиримиз гүлчеһрә
2009-04-21
Елхәт
Пикир
Share
Принт

Хәвәрдә ейтилишичә, хитай өлкилиригә елип кетилгән бу қизларниң 99% ти уйғур болуп һәммиси 20 яштин төвән яш қизлар икән.

Қизлар хитай өлкилиридики завутларға барғандин кейин, йеши бәк кичик униң үстигә биринчи қетим аилисидин, юртидин айрилиши болғачқа, хитайниң ят муһитиға көнәлмәй қийналған. Улар узақ муддәт ата анилири биләнму алақилишалмиғачқа кечилири ата - анисини сеғинип йиғлиған, уларниң ата анилириму балилириниң әһвалидин әнсирәп йәрлик һөкүмәт даирилириниң қизлири билән телефон алақиси орнитип беришни тәләп қилған.

Биз игилигән мәлуматларға қариғанда, хитай өлкилиригә елип кетиватқан уйғур яшлириниң бәзилири һәтта 18 яшқиму толмиған болуп, хитай тилиниму билмигән бу уйғур балилириниң көпинчиси һәтта өзлириниң хитайдики ишләватқан завутларниң нами вә турушлуқ адресиниму билмәйдикән.

Уларниң завутта учраватқан хорлуқлири, һәқ - һоқуқлириниң дәпсәндә болуш әһваллири, хитай завутлиридики бәзи уйғур яшлириниң радиомизға қилған инкаслири арқилиқ паш болмақта.

Пикирләр (0)
Share
Толуқ бәт