Chira nahiyisidin 200 din artuq Uyghur qizi xitay ölkilirige ishlemchilikke élip kétilgen

Uyghur élide chiqidighan xitayche kündilik gézittin ashkarilinishiche, teklimakanning ichki qismidiki chet yaqa nahiye hésablan'ghan chira nahiyisidin 222 neper qiz, xitayning gu'angdung, chingdaw qatarliq ölke we sheherliridiki zawutlargha ishlemchilikke yötkelgen.
Muxbirimiz gülchéhre
2009-04-21
Élxet
Pikir
Share
Print

Xewerde éytilishiche, xitay ölkilirige élip kétilgen bu qizlarning 99% ti Uyghur bolup hemmisi 20 yashtin töwen yash qizlar iken.

Qizlar xitay ölkiliridiki zawutlargha barghandin kéyin, yéshi bek kichik uning üstige birinchi qétim a'ilisidin, yurtidin ayrilishi bolghachqa, xitayning yat muhitigha könelmey qiynalghan. Ular uzaq muddet ata aniliri bilenmu alaqilishalmighachqa kéchiliri ata - anisini séghinip yighlighan, ularning ata anilirimu balilirining ehwalidin ensirep yerlik hökümet da'irilirining qizliri bilen téléfon alaqisi ornitip bérishni telep qilghan.

Biz igiligen melumatlargha qarighanda, xitay ölkilirige élip kétiwatqan Uyghur yashlirining beziliri hetta 18 yashqimu tolmighan bolup, xitay tilinimu bilmigen bu Uyghur balilirining köpinchisi hetta özlirining xitaydiki ishlewatqan zawutlarning nami we turushluq adrésinimu bilmeydiken.

Ularning zawutta uchrawatqan xorluqliri, heq - hoquqlirining depsende bolush ehwalliri, xitay zawutliridiki bezi Uyghur yashlirining radi'omizgha qilghan inkasliri arqiliq pash bolmaqta.

Toluq bet