CIA Liwiye qozghilangchilirigha yardem bérish üchün mexpiy heriket qilmaqta

Amérikidiki bezi xewer agéntliqliri amérika merkizi axbarat idarisi CIA ning liwiyide qozghilangchilargha yardem bérish üchün mexpiy heriket qiliwatqanliqini ilgiri sürdi.
Muxbirimiz irade
2011-03-31
Élxet
Pikir
Share
Print
Birleshme agéntliqi, s n n téléwiziyisi qatarliqlarning xewer qilishiche, amérika prézidénti barak obama liwiyidiki qozghilangchilargha yardem bérish mezmun qilin'ghan bir mexpiy höjjetni imzalighan. Bu höjjet amérika merkizi axbarat idarisi CIA élip barmaqchi bolghan mexpiy heriketlerni maqullash üchün ishlitilidiken.

Nyu-york waqti géziti bu heqtiki xewiride, CIA alahide xadimlirining bir qanche heptidin béri liwiyide hawa hujumliri üchün ehwal igilewatqanliqini, ularning kazafiygha qarshi öktichi küchler bilen alaqe ornatqanliqini yazghan we CIA ning qozghilangchilargha yardem bérish üchün mexpiy heriket qiliwatqanliqini ilgiri sürgen.

Emma, bügün aqsaray we merkizi axbarat idarisi bu heqtiki so'allargha jawab bérishni ret qilghan we liwiyide herqandaq bir guruppigha qoral yardimi qilish heqqide bir qarar maqullanmidi, dégen.
Toluq bet