Әнглийә: хитайниң кишилик һоқуқ әһвали техиму начарлашти

Әнглийә ташқи ишлар министирлиқи бүгүн 2010-йиллиқ кишилик һоқуқ вә демократийә доклатини елан қилди.
Мухбиримиз ирадә
2011-03-31
Елхәт
Пикир
Share
Принт

Доклатта хитайниң кишилик һоқуқ вә сиясий ислаһат җәһәттә яхшилиниш әмәс, кәйнигә чекингәнлики оттуриға қоюлди.

Б б с ниң хәвәр қилишичә, доклатта хитай гәрчә иқтисад вә иҗтимаий тәрәққият җәһәттә нурғун илгириләшләрни қолға кәлтүрди, әмма хитайниң узун муддәтлик параванлиқи вә тәрәққиятиниң изчиллиқиниң алдинқи шәрти болса пуқралар һоқуқи капаләткә игә болған бир системини турғузуш, қанунни иҗра қилип, пуқралар һоқуқиға капаләтлик қилиштур, дәп көрситилгән.

Доклатта хитай әдлийә, қанун саһәлиридә ашкара болушқа чақирилған вә шундақла униң диний әркинлик, интернет әркинлики, пикир әркинлики үстидики бесимни күнсайин ашуруватқанлиқи тәнқид қилинған.

Әнглийә ташқи ишлар министирлиқиниң кишилик һоқуқ вә демократийә доклатида дунядики барлиқ дөләтләрниң 2010-йилидики кишилик һоқуқ әһвали йәр алған болуп, униңда хитай, афғанистан, ветйтам, ливийә, русийә, берма қатарлиқ 26 дөләт кишилик һоқуқ әһвали хәтәрлик дөләтләр қатариға киргүзүлгән.

Пикирләр (0)
Share
Толуқ бәт