En'gliye: xitayning kishilik hoquq ehwali téximu nacharlashti

En'gliye tashqi ishlar ministirliqi bügün 2010-yilliq kishilik hoquq we démokratiye doklatini élan qildi.
Muxbirimiz irade
2011-03-31
Élxet
Pikir
Share
Print

Doklatta xitayning kishilik hoquq we siyasiy islahat jehette yaxshilinish emes, keynige chékin'genliki otturigha qoyuldi.

B b s ning xewer qilishiche, doklatta xitay gerche iqtisad we ijtima'iy tereqqiyat jehette nurghun ilgirileshlerni qolgha keltürdi, emma xitayning uzun muddetlik parawanliqi we tereqqiyatining izchilliqining aldinqi sherti bolsa puqralar hoquqi kapaletke ige bolghan bir sistémini turghuzush, qanunni ijra qilip, puqralar hoquqigha kapaletlik qilishtur, dep körsitilgen.

Doklatta xitay edliye, qanun saheliride ashkara bolushqa chaqirilghan we shundaqla uning diniy erkinlik, intérnét erkinliki, pikir erkinliki üstidiki bésimni künsayin ashuruwatqanliqi tenqid qilin'ghan.

En'gliye tashqi ishlar ministirliqining kishilik hoquq we démokratiye doklatida dunyadiki barliq döletlerning 2010-yilidiki kishilik hoquq ehwali yer alghan bolup, uningda xitay, afghanistan, wétytam, liwiye, rusiye, bérma qatarliq 26 dölet kishilik hoquq ehwali xeterlik döletler qatarigha kirgüzülgen.

Toluq bet