Әнгилийә пуқраси ақмал шәйихқә үрүмчидә өлүм җазаси берилди

Әнгилийә пуқраси ақмал шәйх, 2007 ‏- йили хироин әткәсчилики билән қолға елинған вә өткән йили өлүм җазасиға һөкүм қилинған иди. Мәһкумниң аилиси вә бирқисим кишилик һоқуқ тәшкилатлири ақмал шәйхниң зеһний аҗизлиқ әһвали барлиқини көрситип, ақмал шәйихниң кәчүрүм қилинишини тәләп қилип келивататти.
Мухбиримиз шоһрәт һошур
2009-12-29
Елхәт
Пикир
Share
Принт

Ақмал шәйхниң һөкүмгә қарита шикайәт әрзи мушу айниң 21 ‏- күни хитай алий соти тәрипидин рәт қилинған вә түнүгүн үрүмчидә өлүм җазаси иҗра қилинған.

Өлүм җазасиниң иҗра қилинғанлиқ хәвири елан қилинғандин кейин, әнгилийә баш министири вәқәгә қаттиқ наразилиқ билдүрди. Бүгүн йәнә әнгилийә ташқи ишлар министирлиқи хитайниң лондондики баш әлчисини чақиритип вәқәгә қарита наразилиқини билдүргән.

Әнгилийә ташқи ишлар министири иван левис ақмал шәйихниң саламәтлик мәсилиси үстидики тәкшүрүш ахирлашмай туруп, өлүм җазасиниң иҗра қилинғанлиқи, икки дөләт арисидики мунасивәткә зиян йәткүзгидәк дәриҗидә йолсизлиқ икәнликини билдүргән. У йәнә, "әгәр хитай дуняда толуқ инавәткә еришмәкчи болса, чоқум инсан һәқлириниң әқәллий өлчәмлиригә һөрмәт қилиши керәк," дегән.

Хитай тәрәп болса, бу мәсилидә әнгилийини һессиятқа берилмәсликкә, хитай сотиниң қарариға һөрмәт қилишқа чақирған вә ақмал шәйихниң зеһний аҗизлиқиға аит дәлил тепилмиғанлиқини әскәрткән.

Хәвәрләрдә баян қилинишичә, ақмал шәйх окул билән өлтүрүлгән. Хитайдики мәлум бир алақидар хадим, хитайда нөвәттә өлүм җазалириниң окул арқилиқ иҗра қилиниватқанлиқини билдүргән.

2008 ‏- Йили хитай 1718 кишигә, иран 346 кишигә, америка болса 111 кишигә өлүм җазаси бәргән иди.

Пикирләр (0)
Share
Толуқ бәт