En'giliye puqrasi aqmal sheyixqe ürümchide ölüm jazasi bérildi

En'giliye puqrasi aqmal sheyx, 2007 ‏- yili xiro'in etkeschiliki bilen qolgha élin'ghan we ötken yili ölüm jazasigha höküm qilin'ghan idi. Mehkumning a'ilisi we birqisim kishilik hoquq teshkilatliri aqmal sheyxning zéhniy ajizliq ehwali barliqini körsitip, aqmal sheyixning kechürüm qilinishini telep qilip kéliwatatti.
Muxbirimiz shohret hoshur
2009-12-29
Élxet
Pikir
Share
Print

Aqmal sheyxning hökümge qarita shikayet erzi mushu ayning 21 ‏- küni xitay aliy soti teripidin ret qilin'ghan we tünügün ürümchide ölüm jazasi ijra qilin'ghan.

Ölüm jazasining ijra qilin'ghanliq xewiri élan qilin'ghandin kéyin, en'giliye bash ministiri weqege qattiq naraziliq bildürdi. Bügün yene en'giliye tashqi ishlar ministirliqi xitayning londondiki bash elchisini chaqiritip weqege qarita naraziliqini bildürgen.

En'giliye tashqi ishlar ministiri iwan léwis aqmal sheyixning salametlik mesilisi üstidiki tekshürüsh axirlashmay turup, ölüm jazasining ijra qilin'ghanliqi, ikki dölet arisidiki munasiwetke ziyan yetküzgidek derijide yolsizliq ikenlikini bildürgen. U yene, "eger xitay dunyada toluq inawetke érishmekchi bolsa, choqum insan heqlirining eqelliy ölchemlirige hörmet qilishi kérek," dégen.

Xitay terep bolsa, bu mesilide en'giliyini héssiyatqa bérilmeslikke, xitay sotining qararigha hörmet qilishqa chaqirghan we aqmal sheyixning zéhniy ajizliqigha a'it delil tépilmighanliqini eskertken.

Xewerlerde bayan qilinishiche, aqmal sheyx okul bilen öltürülgen. Xitaydiki melum bir alaqidar xadim, xitayda nöwette ölüm jazalirining okul arqiliq ijra qiliniwatqanliqini bildürgen.

2008 ‏- Yili xitay 1718 kishige, iran 346 kishige, amérika bolsa 111 kishige ölüm jazasi bergen idi.

Toluq bet