Әхмәди неҗат биз ғәрб билән сөһбәт өткүзүштин баш тартмаймиз деди

Иран президенти әһмәди неҗат бүгүн иранниң шәрқий җәнубидики кирмән шәһиридин баянат берип: «биз ғәрб билән иранниң ядро енергийә программиси үстидә көрүшүштин баш тартмаймиз» деди.
Мухбиримиз ирадә
2012-01-26
Елхәт
Пикир
Share
Принт

Бу, иран билән ғәрб арисидики сөһбәтләр үзүлүп қалғандин буян ирандин кәлгән тунҗи иҗабий сөз һесаблинидикән.

Алдинқи йили 1-айда иран билән хәвпсизлик кеңишигә әза бәш дөләт вә германийә арисидики сөһбәт мувәппәқийәтсиз аяғлашқандин кейин, икки тәрәп арисида һечқандақ бир учришиш болуп бақмиған иди. Нәтиҗидә, дүшәнбә күни явропа иттипақи иранниң уран қоюқлаштуруш һәрикити һәққидики гуманни илгири сүрүп, ирандин нефит елишни тохтитидиғанлиқини елан қилди.

Б б с ниң хәвәр қилишичә, әхмәди ниҗат сөзидә бу һәқтә тохтилип, сөһбәтниң кесилишигә ғәрб сәвәбчи дәп көрсәткән вә ғәрб дөләтлирини иранға җаза тәдбири қоюш арқилиқ арида чүшиниш һасил қилишқа тосалғу пәйда қилиш билән әйиблигән.

Явропа иттипақи ирандин давамлиқ нефит елишни тохтитидиғанлиқини елан қилғандин кейин, русийә вә хитайға охшаш дөләтләр баянат елан қилип, қарарни қарши алмайдиғанлиқини билдүрди. Бүгүн хитай ташқи ишлар министирлиқиниң баянатчиси сөзидә явропаниң бу арқилиқ мәсилини һәл қилалмайдиғанлиқини билдүрүп: «икки тәрәп сөһбәт арқилиқ районниң тинчлиқиға пайдилиқ бир йол тепип чиқиши керәк» дәп көрсәтти.

Иран парламент башлиқи ели лариҗани болса җаза тәдбирлириниң иранға тәсир көрситәлмәйдиғанлиқини, әксичә иранниң йеза игилик вә ишләпчиқириш саһәлиридә тоғра пиланларни йолға қоюш пурсити яритип беридиғанлиқини илгири сүрди.

Пикирләр (0)
Share
Толуқ бәт