Exmedi néjat biz gherb bilen söhbet ötküzüshtin bash tartmaymiz dédi

Iran prézidénti ehmedi néjat bügün iranning sherqiy jenubidiki kirmen shehiridin bayanat bérip: "Biz gherb bilen iranning yadro énérgiye programmisi üstide körüshüshtin bash tartmaymiz" dédi.
Muxbirimiz irade
2012-01-26
Élxet
Pikir
Share
Print

Bu, iran bilen gherb arisidiki söhbetler üzülüp qalghandin buyan irandin kelgen tunji ijabiy söz hésablinidiken.

Aldinqi yili 1-ayda iran bilen xewpsizlik kéngishige eza besh dölet we gérmaniye arisidiki söhbet muweppeqiyetsiz ayaghlashqandin kéyin, ikki terep arisida héchqandaq bir uchrishish bolup baqmighan idi. Netijide, düshenbe küni yawropa ittipaqi iranning uran qoyuqlashturush herikiti heqqidiki gumanni ilgiri sürüp, irandin néfit élishni toxtitidighanliqini élan qildi.

B b s ning xewer qilishiche, exmedi nijat sözide bu heqte toxtilip, söhbetning késilishige gherb sewebchi dep körsetken we gherb döletlirini iran'gha jaza tedbiri qoyush arqiliq arida chüshinish hasil qilishqa tosalghu peyda qilish bilen eyibligen.

Yawropa ittipaqi irandin dawamliq néfit élishni toxtitidighanliqini élan qilghandin kéyin, rusiye we xitaygha oxshash döletler bayanat élan qilip, qararni qarshi almaydighanliqini bildürdi. Bügün xitay tashqi ishlar ministirliqining bayanatchisi sözide yawropaning bu arqiliq mesilini hel qilalmaydighanliqini bildürüp: "Ikki terep söhbet arqiliq rayonning tinchliqigha paydiliq bir yol tépip chiqishi kérek" dep körsetti.

Iran parlamént bashliqi éli larijani bolsa jaza tedbirlirining iran'gha tesir körsitelmeydighanliqini, eksiche iranning yéza igilik we ishlepchiqirish saheliride toghra pilanlarni yolgha qoyush pursiti yaritip béridighanliqini ilgiri sürdi.

Toluq bet