Уйғур елидә әйдиз юқумдарлириниң 60 миңдин артуқ икәнлики пәрәз қилинмақта

15 - Декабир күни үрүмчидә чақирилған " уйғур аптоном районлуқ һөкүмәт әйдизниң алдини елишни күчәйтиш хизмити" йиғинидин мәлум болушичә, уйғур елидә әйдизниң җинсий алақә арқилиқ юқуш әһвали еғирлашқан.
Мухбиримиз ирадә
2010-12-16
Елхәт
Пикир
Share
Принт

Шинхуа торида бу һәқтә берилгән хәвәрдә ейтилишичә, бу йил 9 - айниң ахириғичә уйғур райони миқясида тизимға елинған әйдиз юқумдарлириниң сани 32миң 532 гә йәткән болуп, уйғур ели тизимға елинған юқумдарлар сани бойичә хитайда 5- орунға, омумий нопусниң юқумлиниш нисбити бойичә 2- орунға өткән.

Хәвәрдин мәлум болушичә йәнә, уйғур елидә әйдиз билән юқумланғучиларниң омумий сани 60 миңдин артуқ дәп пәрәз қилиниватқан болуп, юқумлиниш әһвали уйғур елидики 14 вилайәт, шәһәр - областтики 94 наһийә, йеза - базарларда омумйүзлүк мәвҗут икән. Буниң ичидә ғулҗа, үрүмчи, ақсу, қәшқәр вә турпанда юқумлиниш әһвали әң еғир болуп, омумий юқумланғучилар саниниң 88 пирсәнтини тәшкил қилидикән.

Хәвәрдә ейтилишичә, уйғур елидики әйдиз асасән ортақ окул йиңниси ишлитиш вә җинсий алақидин ибарәт икки хил йол арқилиқ тарқалмақта. Әмма, кейинки йилда җинси йол арқилиқ тарқилиш нисбити илгирики охшаш мәзгилдики 32. 4 Пирсәнттин бирақла 43. 6 Пирсәнткә өрләп кәткән.

Толуқ бәт