Uyghur élide eydiz yuqumdarlirining 60 mingdin artuq ikenliki perez qilinmaqta

15 - Dékabir küni ürümchide chaqirilghan " Uyghur aptonom rayonluq hökümet eydizning aldini élishni kücheytish xizmiti" yighinidin melum bolushiche, Uyghur élide eydizning jinsiy alaqe arqiliq yuqush ehwali éghirlashqan.
Muxbirimiz irade
2010-12-16
Élxet
Pikir
Share
Print

Shinxu'a torida bu heqte bérilgen xewerde éytilishiche, bu yil 9 - ayning axirighiche Uyghur rayoni miqyasida tizimgha élin'ghan eydiz yuqumdarlirining sani 32ming 532 ge yetken bolup, Uyghur éli tizimgha élin'ghan yuqumdarlar sani boyiche xitayda 5- orun'gha, omumiy nopusning yuqumlinish nisbiti boyiche 2- orun'gha ötken.

Xewerdin melum bolushiche yene, Uyghur élide eydiz bilen yuqumlan'ghuchilarning omumiy sani 60 mingdin artuq dep perez qiliniwatqan bolup, yuqumlinish ehwali Uyghur élidiki 14 wilayet, sheher - oblasttiki 94 nahiye, yéza - bazarlarda omumyüzlük mewjut iken. Buning ichide ghulja, ürümchi, aqsu, qeshqer we turpanda yuqumlinish ehwali eng éghir bolup, omumiy yuqumlan'ghuchilar sanining 88 pirsentini teshkil qilidiken.

Xewerde éytilishiche, Uyghur élidiki eydiz asasen ortaq okul yingnisi ishlitish we jinsiy alaqidin ibaret ikki xil yol arqiliq tarqalmaqta. Emma, kéyinki yilda jinsi yol arqiliq tarqilish nisbiti ilgiriki oxshash mezgildiki 32. 4 Pirsenttin biraqla 43. 6 Pirsentke örlep ketken.

Toluq bet