Азәрбәйҗан баку нефит университетидики өлтүрүш вәқәсигә шерик болған адәмгә җинайәт артилди

Азәрбәйҗан мәтбуатлири өткән пәйшәнбә күни азәрбәйҗанниң баку шәһиридики нефит акадеәмийисидә 13 адәмни етип өлтүрүш вәқәсидә гуманлиқ дәп қарилип қолға елинған надир әлийев исимлик гумандарға рәсмий түрдә бу җинайәткә һәмкарлашти, дегән әйибләшни артқанлиқини хәвәр қилди.
Мухбиримиз үмидвар
2009-05-03
Елхәт
Пикир
Share
Принт

Надир әлийев әсли җинайәт садир қилған грузийә пуқраси, әмма әзәрбәйҗан миллитидин болған фарад гадирофниң дости болуп, у җүмә күни қолға елинған иди. Азәрбәйҗан қанун даирилири надир әлийевни қатил гадирофниң вәқә туғдурушиға һәмкарлашқанлиқи билән рәсмий әйибләп җинайәт турғузған. Бирақ, қатил адәмләрни өлтүрүп болғандин кейин өзини етивалған иди.

Әзәрбәйҗан нефит академийисидә йүз бәргән мәзкур оқутқучи - оқуғучиларни көпләп етип өлтүрүш вәқәси сабиқ совет иттипақидин айрилған җумһурийәтләрдә көрүлүп бақмиған болуп, бу вәқә зил - зилә пәйда қилди.

Бирақ, азәрбәйҗан һөкүмити бу вәқәниң сиясий көрүниши йоқлуқини көрситиш арқилиқ мәзкур вәқәниң әзәрбәйҗан - грузийә, әзәрбәйҗан - әрминийә мунасивәтлири билән бағланмайдиғанлиқидин сигнал бәрди. Чүнки, азәрбәйҗан билән юқириқи дөләтләр арисида назук, етник мунасивәтләр мәвҗут иди.


Пикирләр (0)
Share
Толуқ бәт