Azerbeyjan baku néfit uniwérsitétidiki öltürüsh weqesige shérik bolghan ademge jinayet artildi

Azerbeyjan metbu'atliri ötken peyshenbe küni azerbeyjanning baku shehiridiki néfit akadé'emiyiside 13 ademni étip öltürüsh weqeside gumanliq dep qarilip qolgha élin'ghan nadir eliyéw isimlik gumandargha resmiy türde bu jinayetke hemkarlashti, dégen eyibleshni artqanliqini xewer qildi.
Muxbirimiz ümidwar
2009-05-03
Élxet
Pikir
Share
Print

Nadir eliyéw esli jinayet sadir qilghan gruziye puqrasi, emma ezerbeyjan millitidin bolghan farad gadirofning dosti bolup, u jüme küni qolgha élin'ghan idi. Azerbeyjan qanun da'iriliri nadir eliyéwni qatil gadirofning weqe tughdurushigha hemkarlashqanliqi bilen resmiy eyiblep jinayet turghuzghan. Biraq, qatil ademlerni öltürüp bolghandin kéyin özini étiwalghan idi.

Ezerbeyjan néfit akadémiyiside yüz bergen mezkur oqutquchi - oqughuchilarni köplep étip öltürüsh weqesi sabiq sowét ittipaqidin ayrilghan jumhuriyetlerde körülüp baqmighan bolup, bu weqe zil - zile peyda qildi.

Biraq, azerbeyjan hökümiti bu weqening siyasiy körünishi yoqluqini körsitish arqiliq mezkur weqening ezerbeyjan - gruziye, ezerbeyjan - erminiye munasiwetliri bilen baghlanmaydighanliqidin signal berdi. Chünki, azerbeyjan bilen yuqiriqi döletler arisida nazuk, étnik munasiwetler mewjut idi.


Toluq bet