Гуаңдуңниң партком секретари хитай компартийисиниң бәхт-саадәт қаришини тәнқид қилди

Хитайниң гуаңдуң өлкилик партком секретари ваң яң өткән һәптә өлкилик партийә қурултийида қилған сөзидә «биз алди билән, хәлққә бәхт-саадәтни компартийә ата қилиду, дәйдиған хата чүшәнчидин қутулушимиз лазим» дегән.
Мухбиримиз шөһрәт һошур
2012-05-21
Елхәт
Пикир
Share
Принт

У сөзидә, партийә хәлқниң иҗадкарлиқи вә тәшәббускарлиқиға һөрмәт қилип хәлқниң өз алдиға бәхт-саадәт йолини таллишиға һөрмәт қилиши керәк» дегән. Ваң яңниң бу сөзлири, хитай компартийисиниң 18-қурултийидин кейин шәкилләнгүси йеңи рәһбәрлик қатлими вә йеңи йүзлиниши һәққидә ишарәт дәп қаралмақта.

Ройтрис агентлиқиниң бүгүнки бу һәқтики бир хәвәр анализида ваң яң хитай мәркизи комитет сиясий бюрусида, бо шиләйгә мөлчәрләнгән орунни толуқлиғучи киши дәп тонуштурулған.

Анализда, ваң яң «иккинчи вен җябав» дәп тилға елинған вә униң сиясий бюруда ислаһатчи қанатниң байрақдари болуп қелиш еһтималлиқи оттуриға қоюлған. Ваң яң, йеқинда гуаңдуң өлкисиниң вукән кәнтидә йүз бәргән аммиви қаршилиқ һәрикитини силиқ бир тәрәп қилалиғини йәни вукән кәнтидә демократик сайламниң өткүзүлүшигә земин һазирлап бәргини үчүн хитайдики ислаһат тәрәпдарлириниң алқишиға еришкән. Ваң яң 2009-йили 5-июл үрүмчи вәқәси һәққидә пикир баян қилғандиму, миллий мәсилиләрни қаттиқ қол билән бир тәрәп қилишниң вақти өткәнликини оттуриға қойған.

Пикирләр (0)
Share
Толуқ бәт